愛旅遊！寶寶愛旅遊

希望分享下，我去旅行前的準備  

因為身邊不少朋友，都有旅行前的煩惱，尤其有左小朋友後，對旅行又愛又恨, 點解咁講:
1. 都唔知帶咩, 得20KG點算;
2. 小朋友應該帶幾多件衫;
3. 樣樣帶D, 個行李箱已經FULL, 回程點算。 

小妹超愛旅遊，原因之前也已經講過，工作繁忙實在壓力太大，所以經常外出，久而久之，小妹自己就整左個旅行資料表，每次旅行跟住執行李，真係超方便。到現在有左小朋友，旅行用品清單就upgrade左個三人行，真係多野帶。

 旅行小Tips:
1. 拖板 : 一定要帶拖板，因為現代社會一人一部電話 (+平版) + 相機。
帶個拖板就可以好快咁解決叉電問題，不用排隊，大家可以早點休息 (一個人除外)

2. 旅行真空袋 : 它會係你的好幫手，儲存方便好用。

 由於小妹在家已經用真空袋儲存衣物，所以好明白它真係一個好幫手，試想下，十幾件衫就
已經放滿一半行李箱，而用真空袋只係需要1/4地方，是我回程不可少的幫手。
尤其冬天外出旅遊，天氣未算好冷，只需將件羽絨真空就可以放在手袋內，就算天氣突然轉冷也不怕。

3. 帶舊衣物去穿 : 帶一部份舊衣物去，穿完就掉，這個方法適合經常轉酒店 / 愛購物的朋友，回程時不怕overload。

4. 小朋友衣服: 小妹習慣 ~ 夏天計每天2件衫，因為小孩容易出汗，穿濕衣服容易著涼
(多出的一套衣服用真空袋儲存就可以)。

5. 退熱貼 : 除了以防小朋友發熱外，記得一定要帶幾片在身邊 !
因為小妹真的試過，小兒在日本一間博物館撞倒頭 (要起樓了)，好彩立即貼退熱貼在撞到的位置，
晚上發現已經冇事只是有條紅線，過幾天就散了。

6. 多帶一天衣服 : 永遠多帶一天衣服，以備不時之需。